బ్రహ్మాస్త్ర వరల్డ్ లోకి లైగర్?
By KTV Telugu On 8 November, 2022
సీరియస్ గా ట్రై చేస్తున్న జోహర్?
బాలీవుడ్ ఈసారి సూపర్ హీరోగా ఎంట్రీ ఇస్తాడా?
టాలీవుడ్ హీరో విజయ్ దేవరకొండ అంటే కరణ్ జోహర్ కు విపరీతమైన అభిమానం ఉన్నట్లు ఉంది.
తన కోసమే లైగర్ కు నిర్మాతగా మారాడు కరణ్. ఆ తర్వాత షారుఖ్ తో కలసి విజయ్ హీరోగా ఒకటి రెండు హిందీ చిత్రాలు ప్లాన్ చేస్తున్నట్లు ప్రచారం సాగింది. కానీ ఇప్పుడు ఏకంగా బ్రహ్మాస్త్రలోనే ఒక సూపర్ హీరో రోల్ ను విజయ్ కు అప్పగించాలనుకుంటున్నాడట కరణ్. బ్రహ్మాస్త్ర- 2 పై బాలీవుడ్ లో చాలా అంచనాలు ఉన్నాయి.
సీక్వెల్లో రణవీర్ నటిస్తాడా లేక హృతిక్ నటిస్తాడా అంటూ ఆసక్తి నెలకొని ఉంది. ఆ మధ్య కేజీయఫ్ హీరో యశ్ ను కూడా కరణ్ జోహర్ సీక్వెల్లో నటించమని అడిగాడు. మొదటి భాగంలో రణభీర్ హీరో, అలాగే నాగార్జున ఒక సూపర్ హీరోగా నటించాడు. ఇప్పుడు సీక్వెల్లో సేమ్ ఫార్మాట్ రిపీట్ చేయాలనుకుంటున్నాడట కరణ్. రెండో భాగంలో ఒక బాలీవుడ్ హీరోతో పాటు విజయ్ దేవరకొండకు కూడా అవకాశం ఇవ్వాలనుకుంటున్నాడట. లైగర్ తర్వాత విజయ్ దేవరకొండ ప్రస్తుతం ఖుషి అనే చిత్రం మాత్రమే చేస్తున్నాడు. వచ్చే ఫిబ్రవరిలో ఈ ప్రేమకథా చిత్రం ప్రేక్షకుల ముందుకు రానుంది.