అక్టోబర్ 14న తమిళంలోకి గాడ్ ఫాదర్
By KTV Telugu On 12 October, 2022
పొన్నియిన్ సెల్వన్ కు ఎదురెళ్లడమా?
గాడ్ ఫాదర్ హిట్టా ? ఫట్టా?
టాలీవుడ్ మొత్తం ఇప్పుడు ఒకటే పాయింట్ పై డిస్కషన్ జరుగుతోంది.
అదే గాడ్ ఫాదర్ హిట్టా ఫట్టా అనేది. బ్లాక్ బస్టర్ టాక్ తెచ్చుకుని కూడా ఈ సినిమా ఫట్టా అని ఎలా అంటున్నారు అంటున్నారా? ఈ సినిమా చేసిన బిజినెస్ వేరు, వస్తున్న వసూళ్లు వేరు. దాంతో గాడ్ ఫాదర్ బాక్సాఫీస్ ఫిగర్ ఎక్కడి వరకు వచ్చి ఆగుతుంది అనేది ఆశక్తికరంగా మారింది. బ్లాక్ బస్టర్ టాక్ ఉన్నప్పటికీ వసూళ్లలో మాత్రం టాక్ రిఫ్లెక్ట్ కావడం లేదని సమాచారం. ఇప్పటికే వంద కోట్ల వసూళ్లను దాటిన గాడ్ ఫాదర్ వీకెండ్ వరకు ఒడ్డున పడుతుందనే టాక్ కూడా ఉంది. అక్టోబర్ 14న తమిళంలో ఈ చిత్రం రిలీజ్ కు సన్నాహాలు జరుగుతున్నాయి. తెలుగు, హిందీ భాషల్లో మంచి టాక్ సొంతం చేసుకున్న గాడ్ ఫాదర్ తమిళ ప్రేక్షకులను ఏ మేరకు మెప్పిస్తుంది అనేది అనుమానమే. పైగా అక్కడ పొన్నియిన్ సెల్వన్ మేళా నడుస్తోంది. ఒక ఇండస్ట్రీ హిట్ కు ఆపోజిట్ గా బిగ్ బాగ్ బరిలోకి దిగుతున్నాడు. ఇక హిందీలో గాడ్ ఫాదర్ వసూళ్లు రోజు రోజుకు పెరుగుతున్నాయి. ఇప్పటికే నార్త్ మార్కెట్ లో ఈ చిత్రం 7 కోట్ల వసూళ్లు దాటినట్లు సమాచారం.