డిసెంబర్ లోనే మహేష్, తారక్ న్యూ ఫిల్మ్స్ స్టార్ట్
By KTV Telugu On 10 November, 2022
నెక్ట్స్ దసరాకు గ్రాండ్ రిలీజ్
అన్నదమ్ముల సవాల్ తప్పదా
మహేష్ ను అన్న అని ఆప్యాయంగా పిలుస్తాడు తారక్. అలాగే మహేష్ కూడా తారక్ అంటూ ప్రేమగా పిలుస్తాడు. వీరిద్దరి మధ్య చాలా అనుబంధం ఉంది. అయితే ఇప్పుడు ఈ ఇద్దరు హీరోలు వచ్చే దసరా పండక్కి బాక్సాఫీస్ దగ్గర ఫైట్ కు దిగే అవకాశాలు కనిపిస్తున్నాయి. కొరటాల శివ దర్శకత్వంలో తారక్ నటించే కొత్త చిత్రం డిసెంబర్ లోనే సెట్స్ పైకి వెళ్లనుందని సమాచారం ఉంది. అలాగే త్రివిక్రమ్ దర్శకత్వంలో మహేష్ నటించే మూవీ సెకండ్ షెడ్యూల్ కూడా డిసెంబర్ నుంచే ప్రారంభం కానుందట. ఈ రెండు సినిమాల షూటింగ్ షెడ్యూల్స్ కూడా వచ్చే దసరాకు మూవీ రిలీజ్ అయ్యే విధంగా ప్లాన్ చేయమని చెప్పారట సూపర్ స్టార్, యంగ్ టైగర్. అదే నిజమైతే మాత్రం ఈ దసరాకు చిరు గాడ్ ఫాదర్, నాగార్జున ది ఘోస్ట్ బాక్సాఫీస్ వార్ చూసిన ఆడియెన్స్ వచ్చే ఏడాది మహేష్, తారక్ మధ్య యుద్ధాన్ని చూస్తారు.