రీమేక్స్ పై చరణ్ ఫుల్ క్లారిటీ
By KTV Telugu On 1 December, 2022
చాలా సెలక్టడ్ గా మాత్రమే ఇకపై రీమేక్స్
ఓరిజినల్ స్టోరీస్ బెస్ట్ అంటున్న మెగా పవర్ స్టార్
ఒక వైపు మెగాస్టార్ రీమేక్స్ విషయంలో దూసుకుపోతున్నాడు. నిన్న కాక మొన్న లూసిఫర్ తెలుగు రీమేక్ ను గాడ్ ఫాదర్ పేరుతో రీమేక్ చేసాడు. త్వరలో వేదాళం తెలుగు రీమేక్ భోళా శంకర్ తో తిరిగి రానున్నాడు. పవర్ స్టార్ కూడా రీమేక్ స్టార్ గా మారాడు. వకీల్ సాబ్, భీమ్లా నాయక్ లాంటి చిత్రాల తర్వాత త్వరలో వినోదయ సితం మూవీ చేయబోతున్నాడు.
ఒకవైపు నాన్న, బాబాయ్ రీమేక్స్ తో చేస్తూ బిజీగా ఉంటే మెగా పవర్ స్టార్ మాత్రం రీమేక్స్ కు దూరం అంటున్నాడు.
ఒక వేళ రీమేక్ చేయాల్సి వచ్చినా ఓటీటీలో రాని సినిమానే చేస్తానంటున్నాడు. అంతే కాదు ఒకవేళ దర్శకనిర్మాతలు పట్టుబట్టి మరీ రీమేక్ లో నటింపజేసినా సక్సెస్ గ్యారెంటీ ఇవ్వాల్సి ఉంటుంది అంటున్నాడు. తమిళ సూపర్ హిట్ తని ఓరువన్ తెలుగు లో ధృవ పేరుతో రీమేక్ చేసి హిట్ కొట్టాడు చరణ్. ఇకపై మాత్రం రీమేక్స్ కు దూరంగా ఉండాలనే ఫిక్స్ అయ్యాడు.