కార్తికేయ కేరాఫ్ బాలీవుడ్
By KTV Telugu On 22 October, 2022
హిందీ సినిమాల్లో నిఖిల్ బిజీ
ఆమె కోసం కార్తికేయ-3 చేస్తాను
కార్తికేయ-2తో ప్యాన్ ఇండియా మార్కెట్ లోకి అడుగు పెట్టాడు నిఖిల్. ఈ సినిమా హిందీలో 30 కోట్లకు పైగా రాబట్టి సూపర్ హిట్టైంది. కార్తికేయ2 బ్లాక్ బస్టర్ కావడం, నిఖిల్ యాక్టింగ్ ఇంప్రెస్ చేయడంతో, నార్త్ సైడ్ ఈ యంగ్ హీరోతో సినిమాలు చేసేందుకు అక్కడి దర్శక నిర్మాతలు తెగ పోటీ పడుతున్నారు. అందుకు తగ్గట్లే నిఖిల్ కూడా వారికి బాగానే రెస్పాన్డ్ అవుతున్నాడు. హిందీ సినిమాలు చేసేందుకు స్టోరీస్ వింటున్నాడట. త్వరలోనే హిందీ మార్కెట్లో తాను బిజీ అవుతాను అంటున్నాడు నిఖిల్. ఇక కార్తికేయ- 3 గురించి అడగ్గా తప్పకుండా ఉంటుందని మరోసారి క్లారిటీ ఇచ్చాడు నిఖిల్.
అంతే కాదు కార్తికేయ -3 కోసం తనకంటే, తన ఫ్యాన్స్ కంటే వాళ్ల అమ్మగారే చాలా అంటే చాలా ఆసక్తిగా ఎదురు చూస్తున్నారట. అమ్మ కోసమైనా త్వరలోనే కార్తికేయ -3ని ప్రాజెక్ట్ ను పట్టాలెక్కిస్తామంటున్నాడు యంగ్ హీరో.
కార్తికేయ -2 తర్వాత నిఖిల్ చేతిలో స్పై, 18 పేజెస్ సినిమాల్లో కనిపించబోతున్నాడు. ఈ రెండు చిత్రాల్లో ముందుగా స్పై ప్యాన్ ఇండియా ఆడియెన్స్ ముందుకు రానుంది.