టాలీవుడ్ కు తిరిగొస్తున్న ప్రభుదేవా
By KTV Telugu On 12 November, 2022
దాదాపు 15 ఏళ్లకు రీఎంట్రీ
ఎవరూ ఊహించని హీరోతో సినిమా
ఇండియన్ మైఖెల్ జాక్సన్ ఫోకస్ మళ్లీ టాలీవుడ్ పై పడింది. 2005 నుంచి 2007 వరకు తెలుగు సినిమా టాప్ డైరెక్టర్ గా వెలిగాడు ప్రభుదేవా. నువ్వోస్తానంటే నేనొద్దంటానా సినిమాతో డైరెక్టర్ గా మారి ఆ తర్వాత పౌర్ణమి, శంకర్ దాదా జిందాబాద్ చిత్రాలకు దర్శకత్వం వహించాడు. ఆ తర్వాత బాలీవుడ్ లో దర్శకుడిగా బిజీగా మారాడు. ఎక్కువగా సల్మాన్ తో సినిమాలు తీస్తూ కనిపించారు. బాలీవుడ్ లో ప్రభుదేవాకు అవకాశాలు తగ్గాయి. దాంతో ఇప్పుడు ఇండియన్ మైఖెల్ జాక్సన్ చూపు తెలుగు సినీ పరిశ్రమపై పడింది. ఈ మధ్యలో తెలుగు చిత్రాలకు కొరియోగ్రఫీని అందిస్తున్నాడు ప్రభుదేవా. రీసెంట్ గా గాడ్ ఫాదర్ లోని చిరు, సల్మాన్ సాంగ్ కు తానే డ్యాన్ కంపోజ్ చేసాడు. అదే స్పీడ్ లో జిన్నా సెట్ కు వెళ్లి మంచు విష్ణుకు కూడా ఒక సాంగ్ కంపోజ్ చేసాడు. అదే సెట్ లో మంచు విష్ణుతో మూవీ చేసేందుకు డీల్ కుదుర్చుకున్నాడు. త్వరలో మంచు విష్ణు, ప్రభుదేవా కాంబినేషన్ లో సినిమా ఎనౌన్స్ మెంట్ రానుంది. జిన్నా ఫ్లాప్ అయినా మంచు విష్ణు తగ్గేదేలే అంటున్నాడు. త్వరలో శ్రీనువైట్లతో కలిసి ఢీ సీక్వెల్ షూటింగ్ స్టార్ట్ చేయనున్నాడు. ఆ తర్వాత ప్రభుదేవతో మరో మూవీ చేయనున్నాడు.