పాపం త్రిబుల్ ఆర్ హీరోలు!
By KTV Telugu On 12 October, 2022
2023 మొత్తం కనిపించరా?
2024లోనే తిరిగొస్తారా?
రాజమౌళితో సినిమా అంటే అదొక లైఫ్ టైమ్ ఆవకాశం. ఆయనతో సినిమా చేసినన్ని రోజులు బాగానే ఉంటుంది. రాజమౌళితో సినిమా పూర్తైన తర్వాత , ఆ సినిమా వందలకోట్లు వసూళ్లు కొల్లగొట్టిన తర్వాత ఏ హీరోకైనా అసలు కష్టాలు మొదలవుతాయి. బాహుబలి తర్వాత ఇంత వరకు ప్రభాస్ కు హిట్ లేదు. RRR తర్వాత రామ్ చరణ్ ఇమిడియెట్ గా చేసిన ఆచార్య తెలుగు సినిమా హిస్టరీలోనే అతిపెద్ద డిజాస్టర్స్ లిస్ట్ లో చేరింది. దాంతో చరణ్ జాగ్రత్త పడుతున్నాడు. తర్వాతి సినిమాను కాస్త గ్యాప్ ఇచ్చి రిలీజ్ చేయాలనుకుంటున్నాడు. శంకర్ మేకింగ్ లో తెరకెక్కుతున్న సినిమాను 2023లో కాకుండా 2024 సంక్రాంతికి విడుదల చేయాలనుకుంటున్నాడు. మరో వైపు తారక్ కూడా కొత్త సినిమా మరో రెండు నెలల తర్వాత షూటింగ్ ప్రారంభిస్తాడట. కొరటాలకు మరి కొంత సమయం ఇవ్వాలి అనుకుంటున్నాడు. మరో ట్విస్ట్ ఏంటంటే తారక్ కూడా 2024 సంక్రాంతికి తన సినిమాను రిలీజ్ చేయాలనుకుంటున్నాడు. అదే నిజమైతే మాత్రం ఆర్ ఆర్ ఆర్ లో వీరిద్దరి మధ్య జరిగిన ఫైట్ సీన్ 2024 సంక్రాంతి పండక్కి బాక్సాఫీస్ దగ్గర రిఫ్లెక్ట్ కావడం ఖాయం.