మరోసారి కేజీయఫ్ -3
By KTV Telugu On 6 November, 2022
మూడో భాగంపై ఒక ఐడియా ఉంది
కాని ఇప్పట్లో సినిమా ఉండదు అంటున్న రాఖీభాయ్
కేజీయఫ్ సిరీస్ అనేది మరో బాహుబలి సిరీస్ గా మారింది. ఇండియన్ సినిమా రూపురేఖల్ని మార్చిన చిత్రాలు ఇవి.
ముఖ్యంగా యశ్ ను ప్యాన్ ఇండియా సూపర్ స్టార్ గా మార్చాయి. ఈదశలో కేజీయఫ్ 2 సంచలన విజయం సాధించడంతో కేజీయఫ్3 పై హైప్ వచ్చింది. ఇండియాస్ మోస్ట్ అవైటెడ్ మూవీగా మారింది. కేజీయఫ్ 2 తర్వాత కేజీయఫ్ 3 వస్తుందని అందరూ ఊహించారు. కాని కేజీయఫ్ దర్శకుడు ప్రశాంత్ సలార్ ప్రాజెక్ట్ తోనూ,ఆ తర్వాత యంగ్ టైగర్ తో మూవీస్ తోనూ బిజీగా ఉన్నాడు. ఈ దశలో కేజీయఫ్-3 ఫ్యూచర్ లో ఉంటుంది. కాని ఇప్పటికిప్పుడు ఉండదు అని హీరో యశ్ గతంలోనే చెప్పాడు. ఇప్పుడు అదే విషయాన్ని ఓ ఈవెంట్ లో రిపీట్ చేసాడు. దాంతో సోషల్ మీడియాలో కేజీయఫ్ 3 మళ్లీ ట్రెండింగ్ లోకి వచ్చింది. కేజీయఫ్ 2 తర్వాత తాను చేయబోయే సినిమా పై చాలా రూమర్స్ ఉన్నాయి కాని, ఆ రూమర్స్ లో ఎలాంటి నిజం లేదు అంటున్నాడు యశ్. కేజీయఫ్ సిరీస్ తరహాలో ఏదైనా విభిన్నంగా ప్రయత్నించి అబ్బురపరచాలి అనుకుంటున్నాడు యశ్. బాలీవుడ్ నుంచి వచ్చిన బ్రహ్మాస్త్ర సీక్వెల్, కర్ణ క్యారెక్టర్ గురించి యశ్ ఎలాంటి రిప్లై ఇవ్వలేదు. కొత్త ఏడాది జనవరిలోనే యశ్ పుట్టినరోజు ఉంది. ఆరోజే కొత్త సినిమా పై అప్ డేట్ వచ్చే అవకాశాలు కనిపిస్తున్నాయి.