మైత్రీ మూవీస్ ముందు సంక్రాంతి పంచాయితి?
By KTV Telugu On 20 October, 2022
– సై అంటే సై అంటున్న చిరు, బాలయ్య?
– సంక్రాంతికే బరిలోకి దిగాలని పట్టుబడుతున్న అగ్రహీరోలు?
వచ్చే సంక్రాంతి మామూలుగా ఉండదు.
పూనకాలు లోడింగ్, ఊరమాస్ మూవీ లోడింగ్ అంటూ దర్శకులు స్టేట్స్ మెంట్ ఇస్తున్నారు.
కాని అసలు ట్విస్ట్ ఏంటంటే సంక్రాంతి సినిమాల పేర్లు ఎవరికి తెలియదు.
ఇటు గోపీచంద్ మలినేని దర్శకత్వంలో బాలయ్య నటించే చిత్రం కాని,
మరో వైపు బాబి మేకింగ్ లో మెగాస్టార్ నటిస్తున్న మూవీకి టైటిల్స్ ఫిక్స్ కాలేదు.
రిలీజ్ డేట్స్ లాక్ కాలేదు. చిరు మాత్రం సంక్రాంతికే వస్తాను అన్నాడు కాని డేట్ చెప్పలేదు.
బాలయ్య కొత్త సినిమా విడుదల తేదీ పై స్పష్టత లేదు.
మెగాస్టార్ మూవీకి వాల్తేరు వీరయ్య, అలాగే బాలయ్య సినిమాకు రెడ్డి గారు అనే టైటిల్స్ అనుకుంటున్నట్లు ప్రచారం సాగుతోంది. ఈ రెండు సినిమాల టైటిల్స్ దీపావళికి విడుదల కానున్నాయి.
అయితే రిలీజ్ డేట్స్ విషయంలో ఈ రెండు సినిమాలను నిర్మిస్తున్న మైత్రీ మూవీ మేకర్స్ కు,
కొత్త తలనొప్పి వచ్చి పడినట్లు సమాచారం. ఇటు వాల్తేరు వీరయ్య, అటు రెడ్డి గారు ఒకేసారి ఒకే పండక్కి వస్తామంటున్నారు. రెండు సినిమాలను ఒకేసారి రిలీజ్ చేయడం అంటే పెద్ద సాహసం. కాని చిరు, బాలయ్య మాత్రం తగ్గేదేలే అంటున్నారట. దాంతో మైత్రీ మూవీ మేకర్స్ వారికి పెద్ద కష్టమే వచ్చింది. మరి ఈ ప్రాబ్లమ్ ను వారు ఎలా సాల్వ్ చేస్తారో చూడాలి.