మహేష్ మూవీలో బాలీవుడ్ విలన్
By KTV Telugu On 24 November, 2022
కత్రీనా భర్తతో త్రివిక్రమ్ చర్చలు
ప్యాన్ ఇండియా మూవీ ప్లాన్ చేస్తున్నారా
త్రివిక్రమ్ దర్శకత్వంలో మహేష్ నటించే చిత్రం ఇప్పటికప్పుడు పట్టాలెక్కే అవకాశాలు అయితే లేవు. ఎందుకంటే సూపర్ స్టార్ కృష్ణ అకాల మరణం మహేష్ ను తీవ్రంగా కలచి వేసింది. ఈ దశలో ఈ బాధ నుంచి బయటపడాలంటే ప్రిన్స్ కు మరి కొంత సమయం అవసరం ఉంటుంది. కాని ఈ మూవీపై రూమర్స్ కు మాత్రం బ్రేక్ పడటం లేదు. ఇప్పటకే తొలి షెడ్యూల్లో చిత్రీకరణ జరిపిన యాక్షన్ సీన్స్ ను పక్కనపెట్టారట. అదే విధంగా మ్యూజిక్ డైరెక్టర్ కూడా మారాడని ప్రచారం సాగుతోంది. చిత్ర యూనిట్ తమన్ కు బదులు అనురుథ్ కు స్వరాలు సమకూర్చే బాధ్యతలను అప్పగించాలి అనుకుంటోందట. మరోవైపు ఈ మూవీలో విలన్ రోల్ కోసం ముందుగా సంజయ్ దత్ ను సంప్రదించినట్లు వార్తలు వినిపించాయి. ఇప్పుడు విక్కీకౌషల్ ఆ పాత్రను పోషించబోతున్నాడట. విక్కీ కౌషల్ అంటే బాలీవుడ్ లో విలక్షణ నటుడిగా పేరు తెచ్చుకున్నాడు. ఊరి, సద్దామ్ ఉద్దమ్ లాంటి చిత్రాలు ఈ యువ నటుడికి మంచి పేరు ప్రఖ్యాతలు తెచ్చిపెట్టాయి. ఇటీవలే కత్రీనాను ప్రేమించి పెళ్లాడాడు.