చలికాలంలో సూర్య ప్రతాపం
By KTV Telugu On 10 October, 2022
ఆ సినిమా కోసం 100 కోట్ల ఆఫర్?
ఓటీటీ స్టార్ వల్లేనా?
బాక్సాఫీస్ దగ్గర సూర్య భారీ హిట్ బాకీ పడ్డాడు. ఓటీటీలో మాత్రం సూర్యకు ఎదురులేదు.
ఆ విషయం మరోసారి ప్రూవ్ అయింది. శివ దర్శకత్వంలో సూర్య నటిస్తున్న కొత్త సినిమా షూటింగ్ శరవేగంగా జరుపుకుంటోంది. దాదాపు 10 భాషల్లో, ఈ ప్యాన్ ఇండయా మూవీని నిర్మిస్తున్నారు. బాలీవుడ్ నుంచి దిశా పటాని అనే హీరోయిన్ డేట్స్ కూడా లాక్ చేసారు. ఈ మూవీలో సూర్య సూపర్ హీరో రోల్ చేస్తున్నాడని సమాచారం. ఇదంతా పక్కన పెడితే ఈ మూవీ కోసం , ఓ ఓటీటీ సంస్థ దాదాపు 100 కోట్లకు బేరం పెట్టిందట. కేవలం డిజిటల్ రైట్స్ కు మాత్రమే ఈ స్థాయిలో ధర పలకడం సూర్యకు మాత్రమే సాధ్యం. ఎందుకంటే డైరెక్ట్ గా రిలీజ్ చేయండి 200 కోట్లు ఇస్తాం , 400 ఇస్తాం అంటూ గతంలో చాలా ఆఫర్స్ గురించి విన్నాం. లైగర్ ఓటీటీ రైట్స్ కోసం 200 కోట్లు ఆఫర్ చేసినట్లు ప్రచారం సాగింది. రాధేశ్యామ్ కు ఏకంగా 400 కోట్లు ఆఫర్ చేసారట. కాని థియేటర్స్ లో రిలీజ్ అవుతున్న సినిమాకు 100 కోట్లు, కేవలం ఓటీటీ రైట్స్ కోసం అడగడం అంటే చిన్న విషయం కాదు. సూర్య నటించిన ఆకాశమే నీ హద్దురే, జై భీమ్ చిత్రాలు ఇండియన్ ఓటీటీ కంపెనీలకు కొత్త ఊపిరిలూదిన చిత్రాలు. ఈ రెండు సినిమాలను విడుదల చేసిన అమెజాన్ ప్రైమ్ దక్షిణాది మార్కట్ లో చాలా లాభపడింది. మరో వైపు సూర్య కూడా నటుడిగా చాలా పేరు ప్రఖ్యాతలు తెచ్చుకున్నాడు. ఆస్కార్ వరకు ఆకాశం నీ హద్దురా, జై భీమ్ చిత్రాలు వెళ్లాయి. అదీ ఓటీటీ అడ్డాలో సూర్యకు ఉన్న ఫాలోయింగ్. అందుకే కొత్త సినిమాకు రికార్డ్ రేంజ్ లో ఓటీటీ ఆఫర్ వచ్చిందనేది సమాచారం.