శివరాత్రికి పెద్ద ఎత్తున వస్తున్న సినిమాలు
By KTV Telugu On 18 November, 2022
రోజు రోజుకు పెరుగుతున్న సంఖ్య
డిసెంబర్ నుంచి ఫిబ్రవరికి మారిన సర్ రిలీజ్ డేట్
డిసెంబర్ 2న రిలీజ్ కావాల్సిన సినిమా సర్. ఈ చిత్రానికి త్రివిక్రమ్ నిర్మాత వెంకీ అట్లూరి దర్శకుడు. తమిళ హీరో ధనుష్ హీరో ఇంత మంచి కాంబినేషన్ లో మూవీ తెరకెక్కినప్పటికీ ఎందుకో మూవీని డిసెంబర్ 2న రిలీజ్ చేయలేకపోతున్నట్లు ప్రకటించారు మేకర్స్. ఫిబ్రవరి 17న విడుదల చేయబోతున్నట్లు తెలిపారు. ఈ లెక్కన చూస్తే ఈ సినిమా శివరాత్రి కానుకగా ఇటు తెలుగులో, అటు తమిళంలో భారీ ఎత్తున విడుదల కానున్నట్లే లెక్క. ఫిబ్రవరి 17న కొత్త సినిమాతో వస్తున్నట్లు ఇప్పటికే ప్రకటించాడు కిరణ్ అబ్బవరం. అతని కొత్త చిత్రం వినరో భాగ్యము విష్ణు కథను ఆ రోజున విడుదల కానుంది. ఫిబ్రవరి 10న కళ్యాణ్ రామ్ న్యూ మూవీ అమిగోస్ రిలీజ్ కానుంది. ఈ లిస్ట్ ఇక్కడితో ఆగే సూచనలు కనిపించడం లేదు. యశోద తర్వాత సమంత నటించిన మరో చిత్రం శాకుంతలం, కూడా ఇదే ఫెస్టివల్ టైమ్ లో రిలీజ్ కానుందట. మరో వైపు సంక్రాంతి రిలీజ్ కు కుదరకపోతే, అఖిల్ కూడా తన ఏజెంట్ మూవీని శివరాత్రి కానుకగా అంటే,
ఫిబ్రవరి 17న విడుదల చేయబోతున్నాడట.