ఈ నెల 14 నుంచి ఆహాలో బాలయ్య టాక్ షో
By KTV Telugu On 10 October, 2022
1. అన్ స్టాపబుల్ సీజన్ – 2 ప్రారంభం
2. చంద్రబాబుతో ఫస్టు ఎపిసోడ్
ఆహాలో బాలయ్య తొలిసారి వ్యాఖ్యాతగా చేసిన అన్ స్టాపబుల్ ప్రోగ్రామ్‌ బెస్ట్ టాక్ షోగా పేరు తెచ్చుకుంది. ఫస్టు సీజన్ మోహన్ బాబుతో మొదలై మహేశ్ బాబుతో పూర్తయింది. తెలుగు సినిమా ఇండస్ట్రీకి చెందిన హీరోలు,.. హీరోయిన్లు .. దర్శకులు ఈ కార్యక్రమంలో పాల్గొన్నారు. వారందరితో సరదాగా మాట్లాడుతూ తన స్టైల్లో ప్రశ్నలు సంధిస్తూ…ప్రేక్షకులను ఆకట్టుకున్నారు బాలయ్య. కొంత గ్యాప్ తరువాత ఈ టాక్ షో సెకండ్ సీజన్ ను మొదలుపెడుతున్నారు. సెకండ్ సీజన్ ఈ నెల 14వ తేదీ నుంచి మొదలు కాబోతోంది. ఇటీవలే ఈ షోకి సంబంధించిన టీజర్ రిలీజ్ ఈవెంట్ ను కూడా నిర్వహించారు. ఈ సీజన్ లో ఫస్టు ఎపిసోడ్ ను చంద్రబాబునాయుడుతో చేశారు. ఈ ఎపిసోడ్ ఈ నెల 14వ తేదీన ప్రసారం కానుంది. ఈ విషయం తెలిసి వైసీపీ నేతలు చంద్రబాబుపై విమర్శలు గుప్పిస్తున్నారు. అసెంబ్లీ సమావేశాలకైతే వెళ్లడు కానీ బావమరిది నిర్వహించే టీవీ ప్రోగ్రామ్‌కు వెళ్తాడు అని మండిపడుతున్నారు. అసెంబ్లీకి వెళ్లి ప్రజా సమస్యలను ప్రస్తావించకుండా షూటింగుల్లో పాల్గొనడం ఏమిటని ప్రశ్నిస్తున్నారు. ఇకపోతే బాలకృష్ణ ఏదున్నా ముక్కు సూటిగా మాట్లాడతారు. మనసులో ఏమీ పెట్టుకోకుండా అడిగేస్తారు. చంద్రబాబు చాలా గుంభనంగా ఉంటారు. మరి ఈ ఎపిసోడ్‌లో బాలకృష్ణ తన బావను ఏం ప్రశ్నలు అడిగారో..వాటికి చంద్రబాబు ఏం సమాధానాలు చెప్పారో చూడాలంటే 14వ తేదీ వరకు వెయిట్‌ చేయకతప్పదు.