ప్రిన్స్ వచ్చేశాడు
By KTV Telugu On 10 October, 2022
ట్రైలర్ తెచ్చేశాడు
మరో ఇంట్రెస్టింగ్ లైన్ పట్టుకున్న జాతిరత్నాలు డైరెక్టర్
జాతిరత్నాలు డైరెక్టర్ అనుదీప్, కోలీవుడ్ స్టార్ హీరో శివకార్తికేయన్ కాంబినేషన్ లో తెరకెక్కిన చిత్రమే ప్రిన్స్.
సురేష్ ప్రొడక్షన్స్ ఈ సినిమాను నిర్మించడం విశేషం. తమిళనాటు గొప్ప ఫ్యాన్ ఫాలోయింగ్ తో వెలిగిపోతున్నాడు శివకార్తికేయన్. ఈ మధ్య కాలంలో అతను నటించిన డాక్టర్, డాన్ చిత్రాలు బ్లాక్ బస్టర్ గా నిలిచాయి. తెలుగులోనూ మంచి వసూళ్లను కొల్లగొట్టాయి. దాంతో శివకార్తికేయన్ ఈసారి టాలీవుడ్ బాక్సాఫీస్ బరిలోకి డైరెక్ట్ గా దిగుతున్నాడు. తొలి తెలుగు చిత్రంతో తెలుగు వారి మనసులను దోచుకోవాలి అనుకుంటున్నాడు. ఓ బ్రీటిష్ అమ్మాయితో ఇండియన్ కుర్రాడు ప్రేమలో పడితే స్థానికంగా ఎలాంటి వ్యతిరేకత వచ్చింది అనేది ఈ సినిమా స్టోరీ లైన్. జాతిరత్నాలు సినిమాతో కంపేర్ చేస్తే, ఈ సినిమా లో కామెడీ శాతం తక్కువగా కనిపిస్తోంది. పాటలు కూడా పెద్దగా క్రేజ్ అందుకోలేదు. ఈ దశలో దీపావళికి తెలుగు, తమిళ, మలయాళ ప్రేక్షకుల ముందుకు వస్తున్న ప్రిన్స్ ఏ మేరకు మెప్పిస్తుంది అనేది మరో వారం ఆగితే తెలుస్తుంది. అక్టోబర్ 21న ప్రిన్స్ భారీ విడుదల కాబోతోంది. మూవీలో హీరోయిన్ గా కనిపించిన బ్యూటీ ఉక్రెయిన్ అమ్మాయి. పేరు మరియా ర్యాబోషష్క కేవలం ప్రిన్స్ లో నటించేందుకు ఇండియాకు వచ్చింది. తమన్ ఈ సినిమాకు సంగీతం అందించాడు.