ఓటీటీలో దసరా సినిమాలు
By KTV Telugu On 6 October, 2022
ఆ ప్లాట్ ఫామ్ సబ్ స్క్రైబర్స్ కు పండగ
థియేటర్ లో చూసినవారు మళ్లీ చూస్తారా?
ఓటీటీలో దసరా సినిమాలు అనగానే, పండగ కానుకగా థియేటర్స్ లోకి వచ్చిన గాడ్ ఫాదర్, ఘోస్ట్, స్వాతి ముత్యం చిత్రాలు డైరెక్ట్ గా ఓటీటీలో రిలీజ్ అవుతున్నాయని కాదు. వీటికి సంబంధించిన ఓటీటీ ప్లాట్ ఫామ్స్ లాక్ అయ్యాయి అని మాత్రమే చెబుతున్నాం. అక్టోబర్ 5న థియేటర్స్ లోకి వచ్చిన గాడ్ ఫాదర్, ఘోస్ట్, స్వాతిముత్యం మూవీస్ కొద్ది రోజుల్లోనే ఓటీటీలోకి రానున్నాయి. గాడ్ ఫాదర్ నెట్ ఫ్లిక్స్ లో స్ట్రీమింగ్ కు రెడీ అవుతోంది. సుమారు 50 కోట్లకు నెట్ ఫ్లిక్స్ ఈ సినిమా స్ట్రీమింగ్ రైట్స్ దక్కించుకుంది అనేది సమాచారం. అలాగే కింగ్ నాగార్జున నటించిన ది ఘోస్ట్ కూడా నెట్స్ ఫ్లిక్స్ లోనే రిలీజ్ కానుంది. అయితే ఎంత టైమ్ వ్యవధిలో ఈ రెండు చిత్రాలు ఈ బడా ఓటీటీ ప్లాట్ ఫామ్ లోకి వస్తాయి అనేది తెలియాల్సి ఉంది. తెలుగు సినిమాలు నిర్మాతలు పెట్టిన కండీషన్ ప్రకారం చూస్తే 8 వారాలు ఆగాల్సిందే. ఆ లెక్కన ఈ రెండు సినిమాలు డిసెంబర్ లోనే ఓటీటీలోకి వస్తాయి. అలాగే స్వాతిముత్యం రైట్స్ ను ఆహో కొనుగోలు చేసింది. ఆహా వారు కూడా 8 వారాలు ఆగుతారా లేక ఈలోపే మూవీని స్ట్రీమింగ్ కు సిద్దం చేస్తారా అనేది వేచి చూడాలి.