ఖుషి -2 రానుందా?
By KTV Telugu On 5 October, 2022
పవర్ స్టార్ గ్రీన్ సిగ్నల్ ఇస్తాడా?
అదే జరిగితే పవర్ స్టార్ ఫ్యాన్స్ ను ఆపేదెరవు?
పవర్ స్టార్ పవన్ కళ్యాణ్ కెరీర్ లో ఖుషికి ప్రత్యేకమైన స్థానం ఉంది.
ఈ సినిమాతో ఒక దశలో పవన్ తన అన్న చిరు స్టార్ డమ్ తో పోటీ పడ్డాడు.
యూత్ ను వెర్రివాళ్లను చేసాడు. 20 ఏళ్లు దాటినా ఖుషికి క్రేజ్ తగ్గలేదు సరికదా,
ఇప్పటికిప్పుడు ఈ సినిమా పేరు వినిపిస్తే పవర్ స్టార్ ఫ్యాన్స్ కు పూనకాలు పుట్టుకొస్తాయి.
ప్రస్తుతం ఈ మూవీని 4కే వర్షన్ లో రీ రిలీజ్ చేసేందుకు ఏర్పాట్లు చేస్తున్నాడు ఏ.ఎం.రత్నం.
ఈ మధ్యే రీ రిలీజ్ అయిన జల్సా 3 కోట్లకు పైగానే వసూళ్లను రాబట్టింది.
ఇక ఖుషిని మళ్లీ రిలీజ్ చేస్తే ఈ రికార్డ్ బద్దలు కావడం ఖాయం.
ఇప్పుడు ఖుషి గురించి ఇంత హిస్టరీ ఎందుకు చెప్పుకోవాల్సి వస్తోంది అంటే.
ఈ సినిమా దర్శకుడు ఎస్. జే సూర్య ఖుషికి సీక్వెల్ తీస్తానంటున్నాడు.
అందుకు తగ్గ కథ తన దగ్గర ఉంది అంటున్నాడు.
అయితే అందుకు సూర్య పెడుతున్న కండీషన్ ఒక్కటే…
అది పవన్ కళ్యాణ్ ఒప్పుకుంటే తీస్తానంటున్నాడు.
పవర్ స్టార్ చేతిలో ఉన్న చిత్రాలను పూర్తి చేయడానికే టైమ్ లేదు.
దసరా తర్వాత హరి హర వీరమల్లు పట్టాలెక్కుతుంది.
ఆ తర్వాత సుజిత్ మేకింగ్ లో కొత్త సినిమా చేస్తానంటున్నాడట పవన్.
ఇవి కాకుండా హరీష్ శంకర్ మేకింగ్ భవదీయుడు భగత్ సింగ్, సురేందర్ రెడ్డి మేకింగ్ లో ఒక ఫిల్మ్, సముద్రఖని దర్శకత్వంలో వినోదయ సిత్తం సినిమాల రీమేక్ పెండింగ్ లో ఉన్నాయి. ఇవన్ని దాటుకుని పవన్ ఇప్పటికిప్పుడు ఖుషి 2 పట్టాలెక్కిస్తాడా అంటే అనుమానమే… అందుకే పవర్ స్టార్ ఫ్యాన్స్ ఒక బ్రహ్మాండమైన ఐడియా ఇచ్చారు. పవన్ తనయుడు అకీరా నందన్ ను హీరోగా పరిచయం చేస్తూ ఖుషి 2 ప్లాన్ చేయమంటున్నారు. ఇది కూడా జరిగే అవకాశాలు లేవు. ఎందుకంటే అకీరాకు ఇప్పుడు సినిమాల మీద ఇంట్రెస్ట్ లేదని స్వయాన రేణు దేశాయ్ ఆ మధ్య ఒక ఇంటర్వ్యూలో చెప్పుకొచ్చింది. మొత్తంగా ఖుషి -2 అనే ప్రాజెక్ట్ ఎక్కడైతే మొదలైందో మళ్లీ అక్కడికే వచ్చి ఆగుతుంది.