రామ్ చరణ్ , శంకర్ ఫిల్మ్ పై పగ బట్టారా?
By KTV Telugu On 13 October, 2022
ఏంటి ఈ లీకులు?
ఎవరు చేస్తున్నారు ? ఎందుకు చేస్తున్నారు?
ప్రెస్టీజీయస్ ప్రాజెక్ట్స్ తెరకెక్కేటప్పుడు చాలా జాగ్రత్తలు తీసుకోవాలి. ఎన్ని జాగ్రత్తలు తీసుకున్నా కొన్ని సార్లు లీకులు తప్పవు. కాని అదే పనిగా లీక్ అవుతున్నా, సినిమా కంటెంట్ బయటికి వచ్చేస్తున్నా, చిత్ర యూనిట్ మేల్కొనకపోతే ఏమనాలి? శంకర్ మేకింగ్ లో చరణ్ హీరోగా నటిస్తున్న సినిమా నుంచి చాలా వరకు కంటెంట్ బయటికి వచ్చేసింది.
ఒకసారి పంచెకట్టులో పల్లెటూరిలో సైకిల్ పై వెళ్తున్న ఫోటో, మరోసారి డ్యాన్స్ చేస్తున్న వీడియో,
ఇప్పుడు లేటెస్ట్ గా చరణ్, అంజలి భార్య భర్తలుగా ఉన్న ఫోటో కూడా బయటకి వచ్చేసింది.
ప్రస్తుతం ఈ సినిమా షూటింగ్ రాజమండ్రిలో జరుగుతోంది. అక్కడి నుంచే సినిమా కంటెంట్ బయటికి వస్తోంది.
మరో వైపు లీకులపై దిల్ రాజు చాలా సీరియస్ గా ఉన్నట్లు సమాచారం. యూనిట్ లో ఏం జరుగుతుందో ఒక నివేదిక కావాలని అడిగాడట. ఏది ఏమైనా చరణ్ కొత్త సినిమాకు ఈ లీకులు చాలా ఇబ్బంది పెడుతున్నాయి. మెగా పవర్ స్టార్ కెరీర్ లోనే హైయ్యెస్ట్ బడ్జెట్ తో తెరకెక్కుతున్న సినిమా ఇది. తమిళ దర్శకుడు కార్తిక్ సుబ్బరాజు ఏళ్ల తరబడి రాసిన కథను శంకర్ ఇష్టపడి తీసుకుని మరి ఈ సినిమాను తెరకెక్కిస్తున్నాడు. 2024 సంక్రాంతికి మూవీని రిలీజ్ చేయాలనుకుంటున్నారట. ఈ సినిమాలో తమన్ స్వరపరిచిన ఒక పాటను చరణ్ పై తాను అద్భుతంగా డ్యాన్స్ కంపోజ్ చేసినట్లు చెప్పుకొచ్చాడు జాని మాస్టర్. చరణ్ కు వీరాభిమాని అయిన జానీ మాస్టర్ ఆ సాంగ్ గురించి చెబుతుంటే మెగా ఫ్యాన్స్ గాల్లో తెలిపోతున్నారు.