బాలకృష్ణ Vs చిరంజీవి?
By KTV Telugu On 18 September, 2024
KTV TELUGU :-
నందమూరి బాలయ్య ఈ మధ్యనే తన 50 ఏళ్ల సినీ కెరీర్ సెలబ్రేషన్స్ చేసుకున్నారు. ఆ వేడుకకు మెగాస్టార్ చిరంజీవి చీఫ్ గెస్ట్‌గా వెళ్లి మాట్లాడిన మాటలు హైలెట్‌గా నిలిచాయి. బాలయ్యతో కలిసి ఫ్యాక్షన్ సినిమా చేయాలని మెగాస్టార్ చెప్పుకొచ్చారు. మంచి కథ ఉన్న దర్శకులెవరైనా ముందుకు రావాలని అడిగారు. హీరోలంటే అలా ఒకరికొకరు అభిమానంతో ఉంటారు. కానీ వారి ఫ్యాన్స్ మాత్రం ఉండరు. వారి అభిమానుల మధ్య ఎప్పుడూ కురుక్షేత్ర సంగ్రామం జరుగుతూనే ఉంటుందని చెప్పాలి. నలభై ఏళ్ల నుంచి చిరంజీవి, బాలయ్య ఫ్యాన్స్‌కు మధ్య ఎలాంటి గొడవలు జరుగుతున్నాయనేది అందరికీ తెలిసిందే.
ఇక బాలయ్య, చిరంజీవి సినిమాలు ఒకేసారి రిలీజ్ అయితే పరిస్థితి వేరేలా ఉంటుంది. బాక్సాఫీస్ వద్ద స్టార్ వార్స్ జరిగితే ఫ్యాన్స్‌లో ఉండే కిక్కే వేరని చెప్పాలి. గత ఏడాది అలాంటి పరిస్థితే వచ్చింది. 2023 సంక్రాంతి బరిలో వాల్తేరు వీరయ్య, వీరసింహారెడ్డి సినిమాలు రిలీజ్ అయ్యాయి. ఆ టైంలో ఆ స్టార్స్ ఫ్యాన్స్ మధ్య పెద్ద వార్ జరిగింది. అప్పట్లో వారి ఫ్యాన్స్ చేసిన హంగామా అంతా ఇంత కాదు. అయితే ఇప్పుడు కూడా అలాంటిదే జరగబోతోంది.
ఈ సారి సంక్రాంతి బరిలో మెగాస్టార్ చిరంజీవి విశ్వంభరతో వస్తున్నాడు. జనవరి 10న విశ్వంభర రిలీజ్ చేస్తామని మేకర్స్ ఇదివరకే ప్రకటించేశారు. ఇక ఆ టైంలోనే బాలయ్య బరిలోకి దిగుతున్నట్లు తెలుస్తోంది. బాలకృష్ణ నటిస్తున్న ఎన్బీకే 109 మూవీని డిసెంబర్ లో రిలీజ్ చేసేందుకు ప్లాన్ చేశారు. కానీ సంక్రాంతికి పెద్ద పోటీ లేకపోవడంతో ఆ టైంలోనే మూవీ రిలీజ్ చేయాలని మేకర్స్ చూస్తున్నారు. అందుకే ఇంకా టైటిల్ కూడా అనౌన్స్ చేయలేదు. ఇక బాలయ్య మూవీని జనవరి 11 లేదా 12న విడుదల చేసే ప్లాన్‌లో మేకర్స్ ఉన్నారు. దీంతో సంక్రాంతికి మెగాస్టార్ వర్సెస్ బాలయ్య దండయాత్ర కొనసాగనుంది. మరి బరిలో నిలిచి గెలిచేదెవరు? విజయం సాధించేదెవరు? అనేది తెలియాలంటే సంక్రాంతి వరకూ వెయిట్ చేయాల్సిందే మరి.
మరిన్ని వార్తలకు ఎక్కడ క్లిక్ చేయండి
మరిన్ని వీడియోలకు ఎక్కడ క్లిక్ చేయండి…