తెరపైకి మళ్లీ తెలంగాణ, ఆంధ్రా సెంటిమెంట్..
By KTV Telugu On 14 September, 2024
KTV TELUGU :-
తెలంగాణ రాజకీయాలు మరోసారి భగ్గుమన్నాయి. మొన్నటివరకు బీఆర్ఎస్ ఎమ్మెల్యేలు అధికార కాంగ్రెస్ పార్టీ కండువా కప్పుకోగా.. ఇప్పుడు వారిపై చర్యలు తీసుకోవాలని హైకోర్టు కూడా ఆదేశాలు జారీ చేయటం చర్చగా మారింది. ఈ క్రమంలోనే.. కాంగ్రెస్ ప్రభుత్వం తీసుకున్న నిర్ణయం ఇప్పుడు అగ్గి రాజేసింది. పీఏసీ ఛైర్మన్ బాధ్యతలు శేరిలింగంపల్లి గాంధీకి కట్టబెట్టటం ఇప్పుడు.. ఎమ్మెల్యేల ఫిరాయింపుల దగ్గరి నుంచి తెలంగాణ, ఆంధ్రా సెంటిమెంట్ వరకు వచ్చి ఆగాయి. తర్వాత ఏం జరుగనుందన్నది ఉత్కంఠగా మారింది.
తెలంగాణలో రాజకీయం ఒక్కసారిగా మారిపోయింది. మొన్నటివరకు భారీ వర్షాలతో వరదలు బీభత్సం సృష్టిస్తే.. ఇప్పుడు నేతల మధ్య సవాళ్ల పర్వం రాజకీయాల్లో అగ్గి రాజేసింది. అయితే.. ఈసారి రాజకీయం.. ఎమ్మెల్యేల పార్టీ ఫిరాయింపుల దగ్గర మొదలై.. వయా పీఏసీ ఛైర్మన్ పదవి నుంచి పాడి కౌశిక్ రెడ్డి, అరికెపూడి గాంధీల మధ్య సవాళ్ల పర్వం మీదుగా.. ఇండ్లపై దాడులు, నేత అరెస్టులను దాటుకుని.. తెలంగాణ, ఆంధ్రా సెంటిమెంట్ దగ్గరికొచ్చి ఆగిపోయింది. దీంతో.. తెలంగాణలో మరోసారి ప్రాంతీయత అంశం తెరపైకి వచ్చింది. ఈ అంశం ఇప్పుడు వివాదంగా మారి.. మరెన్ని విభేదాలు సృష్టిస్తుందన్నది సర్వత్రా ఉత్కంఠగా మారింది. అయితే.. అసలు ఇది ఎలా మొదలైందంటే..
తెలంగాణలో రాజకీయం ఒక్కసారిగా మారిపోయింది. మొన్నటివరకు భారీ వర్షాలతో వరదలు బీభత్సం సృష్టిస్తే.. ఇప్పుడు నేతల మధ్య సవాళ్ల పర్వం రాజకీయాల్లో అగ్గి రాజేసింది. అయితే.. ఈసారి రాజకీయం.. ఎమ్మెల్యేల పార్టీ ఫిరాయింపుల దగ్గర మొదలై.. వయా పీఏసీ ఛైర్మన్ పదవి నుంచి పాడి కౌశిక్ రెడ్డి, అరికెపూడి గాంధీల మధ్య సవాళ్ల పర్వం మీదుగా.. ఇండ్లపై దాడులు, నేత అరెస్టులను దాటుకుని.. తెలంగాణ, ఆంధ్రా సెంటిమెంట్ దగ్గరికొచ్చి ఆగిపోయింది. దీంతో.. తెలంగాణలో మరోసారి ప్రాంతీయత అంశం తెరపైకి వచ్చింది. ఈ అంశం ఇప్పుడు వివాదంగా మారి.. మరెన్ని విభేదాలు సృష్టిస్తుందన్నది సర్వత్రా ఉత్కంఠగా మారింది. అయితే.. అసలు ఇది ఎలా మొదలైందంటే..
తెలంగాణ శాసనసభ ఇటీవల పీఏసీ ఛైర్మన్ బాధ్యతలను శేరిలింగంపల్లి ఎమ్మెల్యే అరికెపూడి గాంధీకి అప్పగించటం ఇప్పుడు సంచలనంగా మారింది. సాధారణంగా అయితే.. పీఏసీ ఛైర్మన్ పదవి ప్రతిపక్ష నేతలకు ఇస్తుండగా.. ఈసారి మాత్రం కాంగ్రెస్ కండువా కప్పుకున్న అరికెపూడి గాంధీకి ఇవ్వటం వివాదానికి తెరతీసింది. దీంతో.. ప్రతిపక్ష బీఆర్ఎస్ నేతలు.. అధికార పక్షంపై మరోసారి ఘాటు విమర్శలు చేయటం మొదలుపెట్టారు.
ఇందులో భాగంగానే.. కాంగ్రెస్ కండువా కప్పుడున్న గాంధీకి ఎలా పీఏసీ బాధ్యలు అప్పజెప్పారని ప్రశ్నించారు. కాగా.. తాను ఇంకా ప్రతిపక్షంలోనే ఉన్నానని, రేవంత్ రెడ్డి తనకు కప్పింది కాంగ్రెస్ కండువా కాదని.. దేవాలయాల్లో కప్పే కండువానే అని.. తనపై విమర్శలు చేసే సీనియర్ నేతలకు అది కనిపించపోయి ఉండొచ్చంటూ కొంచెం వెటకారంగానే.. అరికెపూడి గాంధీ డిఫెన్స్ చేసుకునే ప్రయత్నం చేశారు. గాంధీ ఇప్పటికీ బీఆర్ఎస్ ఎమ్మెల్యేనే అయితే.. తాను ఆయన ఇంటికి వెళ్లి గులాబీ కండువా కప్పుతానని.. ఆయన ఇంటిపై పార్టీ జెండా ఎగరేస్తానంటూ హుజూరాబాద్ ఎమ్మెల్యే పాడి కౌశిక్ రెడ్డి సవాల్ విసిరారు. అందుకు.. సెప్టెంబర్ 12వ తేదీ ఉదయం 11 గంటలకు ముహూర్తం కూడా పెట్టారు.
పాడి కౌశిక్ రెడ్డి సవాల్ స్వీకరించిన అరికెపూడి గాంధీ.. 11 గంటలకు తన ఇంటికి రావాలని.. రాకపోతే తానే కౌశిక్ రెడ్డి ఇంటికి వస్తానంటూ ప్రతిసవాల్ విసిరారు. నువ్వో నేనో చూసుకుందామంటూ ఛాలెంజ్ కూడా చేశారు. అయితే.. అప్పటికే పోలీసులు.. కౌశిక్ రెడ్డిని హౌస్ అరెస్ట్ చేయటంతో.. కౌశిక్ రెడ్డి వెళ్లలేకపోయాడు. కానీ.. అక్కడే ప్రెస్ మీట్ పెట్టిన కౌశిక్ రెడ్డి.. తాను అచ్చమైన తెలంగాణ పౌరున్నని.. ఎక్కడి నుంచో బతుకొచ్చిన వాళ్లు బెదిరిస్తే భయపడే వ్యక్తిని కాదంటూ ఘాటు వ్యాఖ్యలు చేశారు. దీంతో.. ఒక్కసారిగా పరిణామాలు మారిపోయాయి.
మరిన్ని వార్తలకు ఎక్కడ క్లిక్ చేయండి
మరిన్ని వీడియోలకు ఎక్కడ క్లిక్ చేయండి…